சந்தேகங்கள்

வணக்கம் நண்பர்களே நமது நண்பர்கள் மந்திர அனுபவங்கள் பற்றி பல கேள்விகளை கேட்டுள்ளார்கள்  சில கேள்விகளுக்கு பதில் அளிக்கும் முகமாக இந்த பதிவு

மணி

மந்திர சாஸ்திரங்கள் பற்றி ஒரு கேள்வி எனக்கு இதன் மேல் விருப்பம் உள்ளது வெறும் மந்திர சாஸ்திரங்களால் ஒருவர் உயர்நிலையை அடையமுடியுமா அல்லது யோக தியானம் கற்றபிறகு அடையமுடியுமா தயவு செய்து எனக்கு பதில் தாருங்கள்.

வணக்கம் மணி யோக தியானத்தை விட இதில் உயர்நிலையை அடைய பல வழிகள் உள்ளன. இன்று நடத்தும் யோக தியானத்தில் எத்தனை பேர் உயர்நிலையை அடைகிறார்கள் ஒருவர் கூட கிடையாது என்று தான் சொல்ல வேண்டும். நடத்திக்கொண்டு இருக்கும் சாமியார்கள் பெயர் தான் வெளியில் வருகிறது கற்பவர்கள் ஒரு பெயர் கூட வெளியில் வருவதில்லை. 

ஐயப்பன்

 நான் சாமியாராக வேண்டும் அதற்கு ஒரு எளிய வழியை சொல்லுங்கள்?

எங்கேயோ கேட்க வேண்டிய கேள்வி என்னிடம் கேட்கிறீர்கள் நான் சாமியார் கிடையாது என்று எத்தனை தடவை சொன்னாலும் கேட்கமாட்டீர்கள். நீங்கள் கேட்ட கேள்வியை பார்த்தால் போலி சாமியாராக ஆக ஆசைபடுகிறீர்கள் என்று தெரிகிறது. பரவாயில்லை சொல்லுகிறேன். நீங்கள் இந்து மதத்தில் உள்ள ஏதாவது ஒரு வேதத்தை கற்றுக்கொள்ளுங்கள் வேதங்கள் படிப்பதற்க்கு கடினமான இருந்தால் அதனை தமிழில் படிக்க நிறைய நூல்கள் வந்துவிட்டது. வாங்கி படியுங்கள்.

ஒரு உபநிஷத்தை நீங்கள் கற்றலே சுமாராக முப்பது வருட காலம் நீங்கள் தொடர்ச்சியாக உரை ஆற்றலாம். அதனை நீங்கள் படித்து பொருளை அறிந்தால் அப்பொழுது இதுவரை சாமியாரகள் ஆற்றிய உரைகள் எல்லாம் இங்கு இருந்து தான் எடுத்து இருக்கிறார்கள் என்பது புரியும்.

தமிழிலும் நிறைய நூல்கள் வந்துவிட்டன. பகவத்கீதை கூட இந்தியாவில் உள்ள மொழிகளில் தமிழில் தான் முதன் முதலாக வந்தது என்று எங்கோ படித்த ஞாபகம்.

இதை எல்லாம் படித்துக்கொண்டு சும்மா கண்ணை மூடிக்கொண்டு உட்காருங்கள் நீங்கள் தான் அடுத்த பிரபல சாமியார். உங்களுக்கு எனது வாழ்த்துக்கள். 

எங்கேயாவது போய் ஏதாவது பிரச்சினையில் மாட்டிக்கொண்டு இதற்கு யார் காரணம் என்று கேட்டால் என்னை மாட்டிவிட்டுடாதீர்கள் அப்புறம் நான் சிறை அனுபவம் என்று புதிய தொடர் ஆரம்பிக்க வேண்டும்.

பெயர் வெளியிட விரும்பாத ஒருவர்

நான் கோடிஷ்வரராக ஆக வேண்டும் மந்திரங்களில் அதற்கு வழி இருக்கிறதா?

தமிழனைப்பார்த்து ஏன் உலகத்தில் உள்ளவன் பயப்படுகிறான் என்று இப்பொழுது தான் தெரிகிறது. உடனடியாக நீங்கள் கோடிஷ்வரர் ஆக வேண்டும் என்று கேட்டுள்ளீர்கள் உங்களுக்கு சுயதொழிலிலும் இல்லை என்று கூறியுள்ளீர்கள் முதலில் உங்கள் ஜாதகத்தை எடுத்துக்கொண்டு எந்த தொழில் உங்களுக்கு சரிவரும் என்று பாருங்கள் அதன் பிறகு அந்த தொழிலை தொடங்குகள் அதன் பிறகு மந்திரங்களை பயன்படுத்தி உங்கள் தொழிலை நன்றாக செல்ல வையுங்கள் கண்டிப்பாக நீங்கள் கோடிஷ்வராக வருவீர்கள். திடீர் என்று வருவதாக இருந்தால் இந்தியாவில் உள்ள அனைவரும் இதனை தான் செய்வார்கள். 

அன்புடன்

ராஜேஷ்சுப்பு.