கெடுதலை தரும் சுக்கிரன் தசா

வணக்கம் நண்பர்களே!

                    லக்கினாதிபதியாகிய சந்திரன் ஆறாவது வீட்டில் அமர்ந்துள்ளார். ராசி தனுசு ராசியாக இருக்கிறது. இவருக்கு சுக்கிர தசா ஆரம்பம் ஆனது முதல் எதுவும் சரியில்லை. தன்னுடைய குடும்பத்தில் பல்வேறு விரையத்தை மட்டுமே செய்துக்கொண்டு இருந்தது. சொல்லமுடியாத கஷ்டத்தை அந்த குடும்பத்திற்க்கு கொடுத்தது. 

அவர்களின் குடும்பத்தில் உள்ளவர்களுக்கு மருத்துவமனையே இல்லம் போல் இருந்தார். அவரின் அம்மாவிற்க்கு மிகப்பெரிய அளவில் ஆப்பரேஷன் செய்யப்பட்டது.

சுக்கிரன் விரையஸ்தானத்தில் ராகுவோடு இணைந்து இருந்து தசாவை நடத்தினார்.சுகஸ்தானத்திற்க்கும் அதிபதியாக சுக்கிரன் வருவதால் நல்ல சுகத்தையாவது தரும் என்று பார்த்தால் அதுவும் தரவில்லை.சுக்கிரன் சென்றுக்கொண்டிருக்கிற நட்சத்திரத்தை பாருங்கள் புனர்பூசம் வியாழனின் நட்சத்திரத்தில் சென்றுக்கொண்டு இருக்கிறார்.அந்த நட்சத்திரமும் சுக்கிரனுக்கு சரியில்லாத நட்சத்திரம்.  மொத்த தசாவும் சரியில்லை.

தனுசு ராசி மற்றும் மீனராசிக்கு சுக்கிரனின் தசா யோகத்தை தருவதில்லை மாறாக பிரச்சினையை மட்டுமே கொடுத்துக்கொண்டு இருக்கும்.சுக்கிரன் கெடுபலனை அதிகமாக தரும். இவர்களுக்கு சுக்கிரன் தசா நடந்தால் எச்சரிக்கையுடன் இருப்பது நல்லது.

இவருக்கு சூரியனின் தசா வந்தவுடன் இவருக்கு அனைத்தும் மாறியது. நல்ல வேலை கிடைத்தது. நல்ல வருமானம். சூரியன் இரண்டாவது வீட்டிற்க்கு அதிபதியாக வருகிறார். அதே நேரத்தில் லாபஸ்தானத்தில் அமர்ந்து தசாவை நடத்துவதால் சுயபுத்தியில் இருந்தே இவருக்கு ஏறுமுகமாக வாழ்க்கை சென்றுக்கொண்டு இருக்கிறது.

படத்தை பெரிதாக்கி பார்த்துக்கொள்ளுங்கள்.

நன்றி நண்பர்களே !

அன்புடன்

ராஜேஷ்சுப்பு.