சுக்கிரன்

வணக்கம்!

          சுக்கிரன் கிரகம் அதிவேகமாக செல்லக்கூடிய ஒரு கிரகம். ஒரு ராசியில் நீண்டநாள்கள் தங்காது. அதிகப்பட்சமாக சுக்கிரனை கணக்கில் எடுத்துக்கொண்டு சொல்லும் சோதிடர்கள் மிக மிக குறைவு என்று சொல்லலாம்.

பிறந்த ஜாதகத்தில் சுக்கிரன் எங்கு இருக்கிறார் என்பதை பார்த்து அதற்கு தகுந்தமாதிரி பலனை சொல்லவேண்டும். சுக்கிரனை கணக்கில் எடுத்துக்கொள்ளவில்லை என்றால் ஒருவருக்கு சரியான பலனை சொல்லிவிடமுடியாது.

பொதுவாக என்ன கேள்வி கேட்பார்கள். 

எனக்கு நல்ல வேலை கிடைக்குமா? 

எனக்கு வாகன யோகம் அமையுமா ?

எனக்கு வீடு அமையுமா ?

எனக்கு சொகுசு வாழ்க்கை அமையுமா?

எனக்கு பணம் தட்டுபாடு இருக்காதே?

எனக்கு திருமணம் எப்பொழுது நடக்கும்? 

எனக்கு திருமணம் உறவிலா அன்னியத்திலா அல்லது காதல் திருமணமா?

என்னுடைய திருமண வாழ்க்கை சந்தோஷமா செல்லுமா?

எனக்கு குழந்தைகள் இருக்குமா?

இப்படி பல அடிப்படையான கேள்விகளை அடிக்கிக்கொண்டே செல்லலாம். இதற்கு எல்லாம் நீங்கள் சோதிடத்தில் பதில் சொல்லவேண்டும் என்றால் ஜாதகத்தில் சுக்கிரன் நிலையை பார்த்து தான் சொல்லமுடியும்.

சோதிடத்தில் இருக்கின்ற கிரகத்தில் சுக்கிரனுக்கு பரிகாரம் செய்வது மட்டும் மிக மிக கடினமான ஒன்று. அவசரமாக செல்கின்றவருக்கு பரிகாரம் செய்யவேண்டும் என்றால் அது அவ்வளவு எளிதான காரியம் கிடையாது என்பது பரிகாரம் செய்யும் அனைவருக்கும் தெரியும்.

வாழ்க்கைக்கு தேவையான அடிப்படையான பல விசயங்களை சுக்கிரனால் மட்டுமே கொடுக்கமுடியும். மேலே சொன்ன கேள்விகளை பாருங்கள் பல கேள்விகளில் நீங்கள் தோற்றுபோயிருப்பீர்கள்.

அன்புடன்

ராஜேஷ்சுப்பு