இரண்டாவது வீட்டில் சுக்கிரன்

வணக்கம்!

          சுக்கிரன் இரண்டாவது வீட்டில் நன்றாக இருந்தால் அவர்களுக்கு பணப்பற்றாக்குறை இருக்கவே இருக்காது. எப்படியாவது ஒரு வழியில் பணம் வந்துக்கொண்டே இருக்கும். பணம் தீர்ந்தாலும் மறுபடியும் ஏதோ ஒரு வழியில் பணம் வரும்.

சுக்கிரன் இரண்டாவது வீட்டில் இருந்தால் பெரும்பாலும் அவர்களுக்கும் அவர்களின் துணைக்கும் அடிக்கடி சண்டை சச்சரவு ஏற்படும். ஒரு சிலர் பிற துணையும் நாடுவார்கள். பிறதுணையை நாடினாலும் விவாகாரத்து இருக்காது.

சுக்கிரன் இரண்டாவது வீட்டில் இருந்தால் அவர்களின் வீட்டில் அதிகமாக பெண்கள் இருப்பார்கள். சம்பந்தபட்ட நபர்களை சுற்றியும் பெண்கள் கூட்டம் அதிகமாக இருக்கும். இவர்களுக்கு பிறப்பது பெண்களாக இருக்கும்.

சுக்கிரன் பெண் பிள்ளைகளை அதிகமாக கொடுப்பதால் ஒரு சிலர் அதிக கவலைபடுவார்கள். ஆண் வாரிசு இல்லை என்று கவலை இருக்கும். ஆண் வாரிசு இல்லை என்று கவலை வேண்டியதில்லை. உங்களுக்கு ஆண் வாரிசு இருந்தால் உங்களுக்கு நல்லது தான் ஆனால் பெண் வாரிசு இருந்தால் இருப்பத்தியோரு தலைமுறைக்கும்   மோட்சம் கிடைக்கும் என்று ஞானிகள் சொல்லிருக்கார்கள்.

சுக்கிரனின் காரத்துவம் அதிகமாக இருக்கும் நபர்களுக்கு பெண் குழந்தைகள் பிறந்தால் நல்லது தான் நீங்கள் நினையுங்கள். சுக்கிரனால் நீங்கள் மோட்சத்தை அடையமுடியும். உங்களுக்கு முன் பத்து தலைமுறை நீங்கள் உங்களுக்கு பின் பத்து தலைமுறை மோட்சம் அடையும் என்று சொல்லிருக்கிறார்கள்.

இரண்டாவது வீட்டில் சுக்கிரன் இருப்பது உங்களுக்கு பலவிதத்திலும் நன்மையளிக்ககூடியது தான் அதே நேரத்தில் உங்களின் செயல்பாடு நன்றாக இருந்தால் நல்ல பலனை எதிர்பார்க்கலாம்.

அன்புடன்

ராஜேஷ்சுப்பு