அரசு வேலை

வணக்கம்!

          பெரும்பாலும் என்னை சந்திக்க வருபவர் மற்றும் தொடர்பில் இருப்பவர்களிடம் அவர்கள் துறை சார்ந்த விசயங்களை கேட்டுப்பெறுவது உண்டு. அதில் வேலை வாய்ப்புகள் இருந்தாலும் எனக்கு தெரிந்தவர்களிடம் எல்லாம் அந்த வேலை வாய்ப்புக்களை பற்றி அங்கு சென்று பணிபுரிய செய்வது உண்டு.

எனது ஆத்ம திருப்திக்காக இதனை செய்துக்கொண்டு இருக்கிறேன். அரசு பணிக்கு தேர்வு எழுதும் இளைஞர்களுக்கும் அம்மனிடம் வேண்டுதல் வைத்துக்கொண்டு இருப்பது உண்டு. பல இளைஞர்கள் இதில் வெற்றி பெற்றுக்கொண்டு இருக்கின்றனர்.

நம் தமிழ்நாட்டில் உள்ளவர்கள் பெரும்பாலும் வேலை பார்த்தால் பெரிய வேலையில் தான் நான் பணிபுரிவேன் என்று சொல்லுவார்கள். இவர்களை வளர்த்த விதம் அப்படி அதனால் இவர்கள் எதிர்பார்ப்பது அப்படி இருக்கின்றது.

பல இளைஞர்கள் பெரும்பாலும் அரசு வேலை வாய்ப்பை விரும்பவில்லை என்று நினைக்கிறேன். உலகத்தில் மிகவும் பாதுகாப்பான ஒரு வேலை என்றால் அது அரசுவேலையாக தான் இருக்கும் என்பது என்னுடைய எண்ணம். இதனை படிக்கும் பல நண்பர்கள் தங்களுக்கு தெரிந்தவர்களிடம் எந்த வேலையாக இருந்தாலும் சரி அரசு வேலைக்கு போகச்சொல்லுங்கள்.

தற்பொழுது கூட இரயில்வேயில் காலியிடங்களுக்கு தேர்வுக்கு அறிவிப்பை அறிவித்து இருக்கின்றனர். உங்களுக்கு தெரிந்தவர்களிடம் எல்லாம் இதனை சொல்லி அதற்கு விண்ணப்பிக்க சொல்லுங்கள்.

சோதிடத்தை படித்த நண்பர்கள் தனக்கு அரசு வேலை சரி வராது அதற்கு கிரக நிலை சரியில்லை என்று நீங்களே முடிவு செய்துவிடாதீர்கள். சூரியன் நன்றாக இருக்க என்ன செய்யவேண்டும் என்பதை பார்த்து அதற்கு செய்தால் கண்டிப்பாக வேலை கிடைக்கும்.

அன்புடன்

ராஜேஷ்சுப்பு