வணக்கம்!
ஒருவருக்கு கேது தசா நடக்கின்றது என்று வைத்துக்கொள்வோம். நாம் உடனே கேது தசா கெடுதல் தசா அது கஷ்டத்தை தான் தரும் என்று சொல்லிவிடகூடாது. கேது தசா நல்லதும் தந்துக்கொண்டு தான் இருக்கும்.
கேது தசாவில் வேலையில் அவ்வப்பொழுது மாற்றத்தை கொடுத்துக்கொண்டே இருக்கும். ஒரு சிலருக்கு மாற்றம் என்பது வெளிநாடுகளுக்கு கூட சென்று வேலை செய்வது போல கேது தசா கொடுத்துவிடும்.
நான் பார்த்தவரையில் வெளிநாடுகளில் வேலை செய்பவர்கள் கூட கேது தசா நடக்கும்பொழுது அந்த நாட்டை விட்டு வேறு நாட்டிற்க்கு சென்று வேலை செய்வது போல செய்துவிடுகின்றது. குடும்பத்தைவிட்டு ஒரு சிறிய பிரிவை கேது தசா ஏற்படுத்திக்கொடுத்து இருக்கின்றது.
கேது தசா நடக்கும்பொழுது பொருளாதாரத்தில் எல்லாம் பின்தங்க வைப்பதில்லை. ஒரு சிலருக்கு மட்டும் பொருளாதார கஷ்டத்தை கொடுக்கின்றது. முக்கால்வாசி பேர்கள் நல்ல வாழ்க்கையை வாழ்ந்துக்கொண்டு தான் இருக்கின்றனர். இராகு கேதுக்கு ஏழில் இருப்பதால் ஏதாவது ஒரு வகையில் பணத்தை கொடுக்கின்றது.
கேது தசா நடக்கும் நபர்களுக்கு நோய் வரும். உடலில் எந்த நோய் வந்திருக்கின்றது என்பதை சொல்லமுடியாது. ஒரு நாள் காலில் வலிப்பது பாேல இருக்கும் ஒரு நாள் தலையில் வலிக்கும். வலி என்பது மாறி மாறி வந்துக்கொண்டே இருக்கும்.
கேது தசா நடப்பவர்கள் மருத்துவர்களிடம் சென்றாலும் கூட சரியான வழி மருத்துவர்களால் கண்டுபிடிக்கமுடியாத ஒரு நிலை ஏற்படும். கேது தசா நடக்கும் அனைவருக்கும் வலி என்பது இருந்துக்கொண்டு தான் இருக்கும்.
அன்புடன்
ராஜேஷ்சுப்பு
No comments:
Post a Comment