ராகு தசா பலன்கள் பகுதி 1

வணக்கம் நண்பர்களே!

                     ஒருவருக்கு ராகு தசா நடைபெறும்பொழுது என்ன பலனை தரும் என்று பார்க்கலாம்.

ராகுக்கு ரிஷபம் உச்ச வீடாகவும் விருச்சிகம் நீச வீடாகவும் சொல்லப்பட்டு இருக்கிறது. 

உச்சத்தில் இருக்கும் ராகு தசாவில்  

நல்ல சுகவாழ்க்கையை தருவான். மிகப்பெரிய ராஜ்யத்தை ஆளும் தகுதியை ஏற்படுத்தி தருவான் செல்வவளத்தை கொட்டிக்கொடுப்பான். பணம் வந்துக்கொண்டே இருப்பது போல் செய்வான்.

ஒரு உச்ச கிரகத்தோடு ராகு சேர்ந்து தசா நடைபெற்றால்

உடலில் ஒருவித வாசனை இருந்துக்கொண்டே இருப்பது போல் செய்வான். ஆடை ஆபரணங்கள் சேர்க்க வைப்பான். பல பெண்களோடு பழக்கத்தையும் ஏற்படுத்துவான். தனவரவுகள் ஏற்படுத்திக்கொடுப்பான்.

நீசத்தில் இருக்கும் ராகு தசாவில் 

                               அரசாங்கத்தோடு பிரச்சினையை ஏற்படுத்தி தருவான். உடலில் நெருப்பு பட்டு புண் ஏற்படுத்திவிடுவான். தற்கொலை செய்துக்கொள்ளும் எண்ணத்தை உருவாக்குவான். விஷ தன்மை உடலில் உருவாகும். பாம்புகள் தீண்டும்.

நீசமான கிரகத்தோடு சேர்ந்த ராகு தசாவில் 

                                        செய்யும் தொழிலில் பிரச்சினை ஏற்படும். தொழில் செய்பவர்கள் லாபத்தை எதிர்பார்க்கமுடியாது. கெட்ட உணவினை சாப்பிடும் நிலையை உருவாக்குவான். 

பொதுவாக ராகு தசாவில் பணம் வந்துக்கொண்டே இருக்கும் ஆனால் அந்த பணத்தை தங்குகின்ற நிலையை உருவாக்க மாட்டான். வரும் பணத்தை தக்க வைத்துக்கொள்ள பரிகாரம் ராகுக்கு செய்யபடவேண்டும். ராகு எப்படி இருந்தாலும் ராகு தசா ஒருவருக்கு வரும்பொழுது காம எண்ணத்தை அதிகமாக உண்டுபண்ணுவார்.வீட்டில் சந்தேகத்தை ஏற்படுத்திவிடுவார்.

தொடர்ந்து பார்க்கலாம்.

நன்றி நண்பர்களே !

அன்புடன்

ராஜேஷ்சுப்பு.