நம்பினால் நம்புங்கள்

வணக்கம் நண்பர்களே !

                    நம்பினால் நம்புங்கள் பகுதியில் சோதிடத்தை வைத்து ஒன்றை சொல்லுகிறேன் படித்து பாருங்கள்.

ஒரு ஜாதகத்தை எடுத்துக்கொண்டு அதனை அலசி ஆராய்ந்து பார்த்து அதற்கு தீர்வை நாங்கள் தருவது வழக்கம். அனைத்திற்க்கும் ஜாதகம் ஒரு கைடு மாதிரி வைத்திருப்பது வழக்கம். ஒருவருக்கு பூர்வபுண்ணியத்தில் அதாவது ஐந்தாவது வீட்டில் சனி அமர்ந்தால் அவருக்கு அனைத்திலும் பிரச்சினையை சந்திக்க வேண்டிவரும். அப்படி வரும் நபர்களுக்கு பரிகாரம் செய்வது எப்படி என்று பல நாட்கள் யோசித்து இருக்கிறேன். எப்படி பரிகாரம் செய்தாலும் எடுபடமாட்டேன்கிறது. பிரச்சினைதான் சம்பந்தப்பட்ட நபருக்கு வந்தது.

இதனை எடுத்துக்கொண்டு எனது குருநாதரிடம் அணுகி இருந்தேன். இதற்கு நீங்கள் ஆலோசனையை தாருங்கள் என்று கேட்டேன். அப்பொழுது அவர் சொன்னார். சனியை மாற்றிவிடு என்றார். எப்படி சாமி என்றேன். சனி கிரகம் எங்கு இருந்தால் நல்லது செய்யும் என்றார் அதற்கு நான் ஆறாவது வீட்டில் இருந்தது என்றால் பரவாயில்லை சாமி அங்கு நிற்க்கும்பொழுது நல்லது செய்யும் என்றேன். அங்கேயே மாற்று என்றார்.

என்ன சாமி காமெடி செய்கிறீர்கள் எப்படி கிரகத்தை மாற்றமுடியும் என்றேன். என் மீது நம்பிக்கை இருக்கிறதா இல்லையா என்றார். ஆம் இருக்கிறது சாமி என்றேன். அப்ப மாற்று டா என்றார். வழி சொல்லுங்கள் என்றேன்.

ஒரு சின்ன பூஜையை செய் இந்தா மந்திரம் என்று இரண்டு வரிகளில் ஒரு மந்திரத்தை தந்தார்.அதனை ஒருமுறை செய்தேன் அவ்வளவு தான். சனி ஆறில் இருந்து என்ன செய்யுமோ அதனை செய்தது.

எப்படி சாத்தியம்?

அவர் கொடுத்த மந்திரம் அதர்வண வேத மந்திரம். அதர்வண வேத மந்திரத்தை கொண்டு ஒருவன் நினைத்தை அடையமுடியும் என்னும் பொழுது கிரகத்தை மாற்றுவது ஒரு பெரிய வேலை இல்லை. 

நீங்கள் நினைக்கலாம் அப்படி என்றால் ஒருவன் இறக்கவே வேண்டியதில்லையே என்று நினைக்கலாம். ஆம் இறக்காமல் இருக்கலாம் இதனை தான் சித்தர்கள் செய்துக்கொண்டு வாழ்ந்துக்கொண்டு இருக்கிறார்கள்.

நம்பினால் நம்புங்கள்.

மந்திரத்தை கேட்காதீர்கள் அது குருவின் அனுமதி இல்லாமல் வெளியில் தரமுடியாது.

நன்றி நண்பர்களே !

அன்புடன்

ராஜேஷ்சுப்பு.