விரைய வீட்டில் லக்கனாதிபதி

வணக்கம்!

          ஒருவர் எப்படி செயல்படுவார் என்பதை காட்டுவது அவரின் ஜாதகத்தில் உள்ள லக்கானாதிபதி பெரும்பாலும் தீர்மானிப்பார். லக்கானாதிபதி ஜாதகத்தில் நல்ல இடத்தில் அமர்ந்தால் அவர் சிறப்பாக செயல்படுவார் அதே லக்கானதிபதி மறைவுஸ்தானத்தில் அல்லது தீயகிரகங்களோடு சேர்ந்து அமர்ந்தால் செயல்பாடு சிறப்பாக இருக்காது.

லக்கனாதிபதி விரைய வீடான பனிரெண்டாவது வீட்டில் அமர்ந்தால் என்ன நடக்கும் என்பதை மட்டும் கொஞ்சம் பார்க்கலாம். விரைய வீட்டில் இருப்பதால் இவர்கள் செயல் பெரும்பாலும் தோல்வியில் முடிவுறும்.

எனக்கு தெரிந்த பலரின் வாழ்வில் அவர்களின் திருமண வாழ்க்கை தோல்வியில் முடிவுறும். தோல்வியை சந்திக்கும் நிலையிலேயே இருக்கின்றது. இரண்டாவது திருமணம் செய்யவேண்டிய நிலையை உருவாக்கிவிடுகின்றது.

விரைய வீட்டில் லக்கனாதிபதி இருக்கும்பொழுது அவர்களை அடுத்தவர்கள் கட்டுபாட்டில் இருப்பது போலவே இருக்கும். அடுத்தவர்களுக்கு ஒரு அடிமைப்போலவே வாழ்க்கையை வாழவேண்டும் என்ற நிலை ஏற்படும்.

விரைய வீட்டில் லக்கனாதிபதி இருந்தால் அவர்களுக்கு பிறரால் மருத்துசெலவு அதிகமாகவே செய்யவேண்டிய நிலை ஏற்படும். குடும்பத்தில் உள்ள நபர்களுக்காக அடிக்கடி மருத்துவமனை செல்லவேண்டிய நிலை உருவாகும்.

உங்களின் ஜாதகத்தில் லக்கானதிபதி விரைய வீட்டில் இருந்தால் உங்களுக்கு நடைபெறும் தசா அதன் புத்திக்கு தகுந்தமாதிரி உங்களுக்கு பிரச்சினையை தரும். உங்களுக்கு நடக்கும் தசாநாதன் ஒரு பலனை தருவதற்க்கு பதில் அந்தந்த புத்திநாதன் அதிகமாகவே செயல்படுகின்றது. ஒரு தசாநாதனின் முழுமையான பலனை எதிர்பார்க்க முடியாமல் போகின்றது.

அன்புடன்

ராஜேஷ்சுப்பு