அஷ்டமாபதி

வணக்கம்!

          ஒருவரின் ஜாதகத்தில் அஷ்டமாபதி அஷ்டமாபதி வீட்டில் அமர்ந்து அவருக்கு சந்திராஷ்டமம் மட்டும் வந்தால் அது பெரிய பிரச்சினையை உருவாக்கிவிடும். சந்திராஷ்டமம் சாதாரணமாக வருவதற்க்கும் அஷ்டமாபதி அஷ்டமாபதி வீட்டில் இருக்கும் வரும் சந்திராஷ்டமத்திற்க்கும் நிறைய வித்தியாசம் இருக்கின்றது.

எட்டுக்குடையவன் எட்டில் இருக்கும்பொழுது சந்திராஷ்டம் வந்தால் பெரிய ஆபத்தை அவர் சந்திப்பார். இரண்டரை நாட்கள் எந்த ஒரு வேலையும் செய்யாமல் இருப்பது அவருக்கு நல்லது. மற்றபடி வரும் சந்திராஷ்டமம் நாள்களில் எந்த ஒரு கவலையும் கொள்ள தேவையில்லை.

அஷ்டமாபதி எட்டில் அமர்ந்து நடக்கும் தசாவும் ஒரு சிலருக்கு அதிகமான பிரச்சினையை கொடுத்துவிடும். அவர் முடங்கி கிடப்பது போன்ற ஒரு வாழ்க்கையை வாழவேண்டும். பக்க வாதத்தில் ஒருவர் இருப்பது போன்ற நிலையை உருவாக்கிவிடுகின்றது.

அஷ்டமாபதி சாரம் பெற்று நடக்கும் எந்த ஒரு தசாவும் ஜாதகருக்கு அந்தளவுக்கு நன்மையை அளிப்பது கிடையாது. இந்த காலத்தில் நிறைய சங்கடங்கத்திற்க்கு ஆளாகுவார். அஷ்டமாபதி தசா மட்டும் கொஞ்சம் எச்சரிக்கை தேவை.

ஒரு சிலருக்கு அஷ்டாமபதி காலத்தில் பலவிதத்திலும் நன்றாக சம்பாதித்து விடுவார்கள். சம்பந்தமே இல்லாமல் பணம் வந்துக்கொண்டே இருக்கும். பலரை நான் பார்த்து இருக்கிறேன். ஒரு சிலருக்கு மட்டும் இப்படியும் நடக்கின்றது.

அஷ்டமாதிபதி தசா நடக்கும் காலக்கட்டங்களில் அதிகமான சிவ வழிபாட்டை ஒருவர் மேற்க்கொள்ளவேண்டும். சிவ வழிபாடு நல்ல பலனை கொடுக்கின்றது. சிவ வழிபாடு இல்லை என்றால் பிரத்தியங்கர தேவி வழிபாடும் நன்மை பயக்கும்.

அன்புடன்

ராஜேஷ்சுப்பு