சக்தி தரும் வீடு

வணக்கம்!

          ஒரு வீட்டில் நீங்கள் வசித்துக்கொண்டு இருக்கின்றீர்கள். உங்களின் குழந்தையின் கல்விக்கு நீங்கள் இருக்கும் ஊர் சரிவரவில்லை என்றால் நீங்கள் நல்ல கல்வி எங்கு கிடைக்கின்றதோ அந்த ஊருக்கு சென்றுவிடுவீர்கள். ஏற்கனவே இருந்து வீடு வாஸ்து சரியில்லாமல் நீங்கள் செல்லவில்லை உங்களின் தேவைக்காக வெளி இடத்திற்க்கு சென்றீர்கள்.

ஒரு வீட்டில் இருந்து அடுத்த வீட்டிற்க்கு செல்வது வாஸ்து சரியில்லை என்பதற்க்காக செல்லவில்லை. உங்களின் தேவைக்காக அடுத்த வீட்டிற்க்கு சென்று இருக்கின்றீர்கள் என்று அர்த்தம் கொள்ளவேண்டும். இதனை வாஸ்து குறை என்று எல்லாம் கணக்கில் எடுத்துக்கொள்ளாதீர்கள்.

நீங்கள் எப்பேர்பட்ட வாஸ்து நிபுணரை வைத்து கட்டினாலும் ஏதோ ஒரு குறை இருக்க தான் செய்யும். அதனை நீங்கள் தினசரி உங்களின் வீட்டில் செய்யும் பூஜை மற்றும் உங்களின் வீட்டில் மேல் உங்களுக்கு உள்ள அக்கறை ஆகியவற்றை பொறுத்து தான் அது முழுமையான ஒரு அமைப்பை பெறும்.

வாஸ்துபடி ஒரு வீட்டை அமைத்துவிட்டு அந்த வீட்டை நீங்கள் சுத்தமாக பராமரிக்கவில்லை என்றால் அந்த வீட்டிற்ககு பீடை பிடித்துவிடும். வீட்டின் சுத்தம் எந்தளவுக்கு இருக்கின்றதோ அந்தளவுக்கு அந்த வீட்டில் உள்ள வாஸ்து குறை நீங்கும்.

வாஸ்துவை குறை சொல்லுவதற்க்கு சொல்லவில்லை. ஒரு வீட்டின் மீது நாம் காட்டும் ஆர்வமும் நிறைய இருக்கவேண்டும் என்பதற்க்காக இதனை சொல்லுகிறேன்.

அன்புடன்

ராஜேஷ்சுப்பு