கேது தரும் ஆன்மீக அடையாளம்

வணக்கம்!

          நம்முடைய வாழ்வில் ஒரு பெரிய மைல்கல் என்பது தற்பொழுது ஈடுபட்டுக்கொண்டு இருக்கும் வேலையான அம்மன் கோவில் கட்டும் பணியாக தான் இருக்கும். நாம் எதிர்பார்த்த உதவிகளையும் மிஞ்சி நிறைய வேலையை இதில் செய்யவேண்டிய நிலையில் இருப்பதால் கொஞ்சம் கடினமாக இருக்கின்றது இதனையும் மீறி அம்மனின் அருளால் அனைத்தும் நன்றாக போய்க்கொண்டு இருக்கின்றது.

நம்மிடம் வரும் ஜாதகத்தில் நிறைய பேர்களிடம் இருக்கும் ஒரு வியப்பு அவர்களிடம் இருக்கும் ஆன்மீக தேடுதலை வெளிக்காட்டு கிரகமாக குருகிரகம் ஒரளவு நன்றாக இருப்பதும் தெரிகின்றது. சோதிடத்தின் விதியை மீறியும் பலருக்கு நல்ல ஆன்மீக அறிவை குரு கிரகம் கொடுக்கின்றது.

குரு கிரகம் ஆன்மீக அறிவைக்கொடுத்தாலும் அதனை செயல்படுத்தும் கிரகமாக கேது கிரகம் இருக்கின்றது. நாம் கேது கிரகத்தை என்ன சொல்லுவோம் என்றால் இது ஞானத்தை தான் தரும் என்று சொல்லுவோம்.

உண்மையான ஒரு விசயத்தை உங்களிடம் சொல்லபோனால் ஒரு ஆன்மீகபணி நடைபெறுதற்க்கு மிக மிக முக்கியமாக காரணமாக இருப்பது கேது கிரகம். கேதுகிரகம் தான் உங்களின் ஆன்மீக பணியை உலகிற்க்கு வெளிகாட்டும் ஒரு வாய்ப்பை தருகின்றது.

குரு கிரகம் ஆன்மீக அறிவை கொடுக்கும் உங்களை வெளிகாட்டுவது கேது கிரகத்தின் வேலையாக இருக்கின்றது என்பதை சொல்லுகிறேன். நீங்கள் ஆன்மீகவாதி என்பதை உலகிற்க்கு காட்டுவது கேது கிரகத்தின் வேலையாக இருக்கின்றது.

அன்புடன்

ராஜேஷ்சுப்பு