மூன்றில் கேது

வணக்கம்!

          மூன்றாவது வீட்டைப்பற்றி பார்த்து வருகிறோம். மூன்றாவது வீட்டில் கேது உங்களுக்கு இருந்தால் கண்டிப்பாக உங்களுக்கு  உடல்நிலையில் மோசமான பாதிப்பை பிறந்த முதலில் இருந்து சந்தித்து வரலாம். 

மோசமான பாதிப்பு இல்லை என்றாலும் அவ்வப்பொழுது வந்து போகும் ஒரு வியாதியால் உங்களுக்கு பாதிப்பு வரும். உதாரணத்திற்க்கு தலைவலியே கூட எடுத்துக்கொள்ளலாம். உடலில் போதிய சத்து இல்லை என்றால் உங்களுக்கு தேவையான சக்தி கிடைக்காமல் அவ்வப்பொழுது வந்து போகும் நோயால் பாதிப்பு வரும்.

மூன்றில் கேது இருக்கும் ஆட்கள் காமத்தைப்பற்றி எண்ணியே உடலில் சக்தியை வீணடித்துவிடுவார்கள். ஒரு சிலர் தன்முயற்சியால் காமத்தின் சக்தியை வீணடித்துவிட்டு உடல் மோசமான ஒரு நிலைக்கு செல்ல வைத்துவிடுவார்கள்.

உங்களின் உடலுக்கு தேவையான சக்தியை பெற்றுக்கொண்டு அதன் பிறகு உங்களுக்கு பரிகாரத்தை பரிந்துரை செய்யலாம். இப்படிப்பட்டவர்கள் உடல்நிலையில் நல்ல நிலையில் இருந்தால் பரிகாரத்திற்க்கு நீங்கள் என்னை தொடர்புக்கொண்டு செய்துக்கொள்ளலாம். உங்களுக்கு தெரிந்தவர்கள் இதற்கு செய்கின்றனர் என்றாலும் சென்று செய்துக்கொள்ளுங்கள்.

பரிகாரம் செய்யாமல் மாற்று வழியில் நீங்கள் முயற்சி செய்யவேண்டும் என்றால் நீங்கள் ஒரு விநாயகர் கோவில் கட்டுங்கள். கட்டிய பிறகு உடனே பிரச்சினை தீர்ந்துவிடாது தொடர் முயற்சி செய்யவேண்டும்.

நீங்கள் கட்டிய விநாயகர் கோவில் கொஞ்ச நாள்கள் அல்லது சில வருடங்கள் சென்ற பிறகு உங்களுக்கு நல்ல வழிகாட்டும் அதன் பிறகு நீங்கள் முயற்சி செய்து நல்ல வாழ்க்கை வாழலாம்.

அன்புடன்

ராஜேஷ்சுப்பு