திருமணப்பொருத்தம்

வணக்கம்!

          நம்முடைய மக்கள் எல்லாம் பெரும்பாலும் மாப்பிள்ளை பெண் பொருத்தம் பார்க்கும்பொழுது செய்யும் வேலை அந்தந்த வீட்டில் விசாரிப்பார்கள். விசாரித்துவிட்டு ஒரு பக்கம் சரியில்லை என்றாலும் இவர்கள் சொல்லும் காரணம் சோதிடர் பொருத்தம் சரியில்லை என்று சொல்லிவிட்டார் என்று சொல்லுவார்கள்.

இருவருக்கும் ஜாதகப்பொருத்தம் நன்றாக இருந்தாலும் இவர்கள் ஒன்றை பிடிக்காத காரணத்திற்க்கு சோதிடர்கள் மேல் காரணம் சொல்லிவிடுவார்கள். இதனை சொல்லவேண்டாம் என்று சொல்லவில்லை இதனை சொல்லாமல் இருக்கவேண்டும் என்பதற்க்காக சொல்லுகிறேன்.

உண்மையான காரணத்தை நீங்கள் சொல்லிவிட்டால் உங்களைப்பற்றி அடுத்தவர்கள் இவர்கள் இதனை தான் எதிர்பார்க்கின்றனர் என்பதை சரியாக கணித்துவிட்டு அதற்கு தகுந்தார் போல் உங்களுக்கு வரனை சொல்லுவார்கள்.

நீங்கள் எதிர்பார்ப்பது என்ன என்பது அடுத்தவர்களுக்கு தெரிவித்துவிடவேண்டும். அதற்கு தகுந்தார்போல உங்களின் விருப்பத்திற்க்கு தகுந்தமாதிரி வரன் வந்துவிடும். நான் நிறைய பேர்களுக்கு திருமணப்பொருத்தம் பார்த்து சொல்லிருக்கிறேன். 

நான் திருமணப்பொருத்தம் பார்த்து சொல்லும்பொழுது உங்களுக்கு பிடிக்கவில்லை என்றால் ஏன் பிடிக்கவில்லை என்ற காரணத்தை சொல்லிவிடுங்கள் என்று சொல்லிவிடுவேன். இதனை அனைவரும் திருமணப்பொருத்தம் பார்க்கும்பொழுது செய்யுங்கள் என்று அன்போடு கேட்டுக்கொள்கிறேன்.

அன்புடன்

ராஜேஷ்சுப்பு