வீடும் ஜாதகமும்

வணக்கம்!

                    வீட்டைப்பற்றி நாம் எழுதியிருந்தோம். பலர் தங்களின் வீட்டில் உள்ள வாஸ்து குறைகளைப்பற்றி சொல்லியுள்ளனர். வாஸ்து குறையை போக்குவதற்க்கு நான் பெரும்பாலும் சொல்லுவதில்லை. வாஸ்து நிபுணர்களை அழைத்து அதற்கு தீர்வு காணவேண்டும். நமக்கு தெரிந்த விசயத்தை சொல்லவேண்டும் என்பதற்காக தான் இதனை எழுதியிருக்கிறேன்.

சுக்கிரன் கிரகம் ஒருவரின் ஜாதகத்தில் எந்தளவுக்கு நன்றாக இருக்கின்றதோ அந்தளவுக்கு உங்களின் வீடு நன்றாக அமையும் அதாவது எந்தவித தோஷம் உங்களுக்கு வராது. சுக்கிரனின் ஆற்றல் வீட்டின் அழகை நன்றாக கூட்டி உங்களுக்கு நல்லதை செய்யும். பெரும்பாலும் சுத்தமான வீட்டில்  எப்படிப்பட்ட குறைகள் வந்தாலும் அதனை சரி செய்யும் ஆற்றல் அந்த வீட்டிற்க்கு உண்டு.

நம்முடைய ஜாதகத்தில் உள்ள கிரகத்தையும் நன்றாக ஆய்வு செய்து வைத்திருக்கவேண்டும். ஜாதகத்தில் உள்ள கிரகங்களின் தோஷம் உங்களுக்கு கெடுதல் தரும் நிலையில் இருந்தால் அந்த காலக்கட்டத்தில் உங்களின் வீட்டில் உள்ள பொருட்கள் உடையும். தீங்கு வருவதற்க்கு முன்பே உங்களுக்கு அறிகுறிகளை காட்டிக்கொடுக்கும்.

உங்களின் வீட்டை சுத்தம் செய்து வைத்திருந்தாலும் வீட்டில் உள்ள பொருட்கள் உடைந்தால் உடனே ஜாதகத்தை எடுத்து உங்களின் ஜாதகத்தில் எப்படி கிரகம் வேலை செய்துக்கொண்டு இருக்கின்றது பார்த்தால் உங்களுக்கு என்ன பிரச்சினை வரபோகின்றது என்பது புரியும். 

வீடும் நன்றாக இருக்கவேண்டும் அதோடு அவ்வப்பொழுது உங்களின் ஜாதகத்தையும் அலசி ஆராய்ந்து பார்த்து வந்தால் உங்களுக்கு ஒரு நல்ல வாழ்க்கையை நீங்களே ஏற்படுத்திக்கொள்ளமுடியும். வீடும் சரியில்லாமல் ஜாதகத்தையும் ஆராய்ந்து பார்க்காமல் இருந்தால் பெரிய பிரச்சினையில் மாட்டிக்கொள்ள வேண்டிய நிலை ஏற்படலாம்.

அன்புடன்

ராஜேஷ்சுப்பு