மேஷ இராசி

வணக்கம்!

          மேஷ இராசியின் குணங்களைப்பற்றி பார்க்கலாம். ஒவ்வொரு இராசியின் மைனஸ் பற்றி மட்டும் சொல்லுகிறேன். இதனை நீங்கள் திருத்திக்கொள்வதற்க்கு ஒரு வாய்ப்பாக இருக்கும். ஒவ்வொரு இராசியின் பெருமையைப்பற்றி நாம் சொல்லுவதால் ஒன்றும் நடக்க போவதில்லை அதனால் குறைகளைப்பற்றி சொன்னால் திருத்திக்கொள்ளமுடியும்.

மேஷ இராசியினர்க்கு இருக்கும் பெரிய பிரச்சினை நான் தான் செய்வேன் என்னால் தான் முடியும் என்ற ஒரு அதிகமான திமிர் இருக்கும். இதனை ஆணவம் என்றும் சொல்லலாம். இதனாலேயே பிறரால் ஒதுக்கப்படுவார்கள். இதனை புரிந்து நடந்துக்கொள்ளவேண்டும்.

பிறரிடம் எந்த வித ஆலோசனையும் இல்லாமல் முடிவு எடுப்பது. ஒரு அலுவலகத்தில் வேலை பார்த்தால் கூட உயர் அதிகாரியை கலந்து ஆலோசிக்காமல் தானே முடிவு எடுப்பதால் இவர்கள் பிரச்சினையில் சிக்குவது உண்டு.

பிறர் பித்தாலட்டம் செய்தால் இவர்கள் கோபப்படுவார்கள். அடுத்தவர்களுக்கும் இவர்களுக்கும் சம்பந்தமே இல்லாமல் அவர் ஏதோ ஒரு வில்லங்கத்தை செய்துக்கொண்டு இருந்தாலே இவர்கள் சம்பந்தமே இல்லாமல் சென்று வம்பு இழுப்பார்கள். அடுத்தவர்களை கண்டுக்கொள்ளாமல் இருப்பது தற்பொழுது உள்ள காலத்தில் நல்லவர்கள் என்று பெயரில் அழைக்கின்றார்கள். 

மேஷம் இராசி ஒரு நெருப்பு இராசி என்பதால் சுட்டு எடுக்கும் வார்த்தைகள் மற்றும் பார்வைகளை பிறர்களிடம் காட்டாமல் இருந்தால் நல்லது. நீங்கள் இப்படி காட்டுவது பிறர்க்க எரிச்சலை உண்டு செய்யும் என்பதை அறிந்து நடந்துக்கொள்ளுங்கள்.

அன்புடன்

ராஜேஷ்சுப்பு