ராகு தசா பலன்கள் பகுதி 36

வணக்கம் நண்பர்களே!

                     ராகு தசாவைப்பற்றி பார்த்துவருகிறோம். ராகு தசாவில் ஒரு முக்கியமான தகவலை தரவேண்டும் என்று நினைத்து இருந்தேன். காலையில் அந்த எண்ணம் வந்தது. அதனைப்பற்றி இப்பதிவில் பார்க்கலாம்.

ராகு நட்சத்திரத்தை உடையவர்கள் மற்றும் ராகு தசா நடப்பவர்கள் பார்த்தால் அவர்கள் சித்தர்கள் மீது அதிக ஈடுபாடு கொண்டவர்களாக இருக்கின்றார்கள். அவர்களின் தேடுதலில் சித்தர்கள் அதிகமாக இருக்கும். சித்தர்கள் மீது இவர்களுக்கு ஏன் இவ்வளவு ஈடுபாடு வருகின்றது என்று நான் நினைத்தது உண்டு. 

எனக்கு ராகு தசா நடக்கும்பொழுதும் இப்படி தேடுதல் இருந்தது ஆனால் தேடி போக வாய்ப்புவரவில்லை. சித்தர்களை பற்றி நான் தேடும்பொழுது (நெட்டில் தாங்க) அவர்கள் அதிகமாக மூலிகைகளைப்பற்றி ஆராய்ச்சி செய்கிறார்கள் என்று தெரியவந்தது. மூலிகைகளைப்பற்றி ஆராய்ச்சி செய்கிறார்கள் என்றால் இந்த காலத்தில் யார் இதனை ஆராய்ச்சி செய்கிறார்கள் அல்லது பயன்படுத்துகிறார்கள் என்று பார்க்கும்பொழுது இந்த காலத்தில் மாந்தீரிகம் செய்பவர்கள் மூலிகைகளைப்பற்றி ஆராய்ச்சி செய்கிறார்கள் மற்றும் பயன்படுத்துகிறார்கள்.

அந்த காலத்தில் சித்தர்கள் என்பவர்கள் மாந்தீரிகம் வேலை செய்பவர்களாக இருக்ககூடும் என்று என் மனது நினைத்தது. ஏன் என்றால் மாந்தீரிகத்திற்க்கும் ராகுக்கும் ஏகாப்பொருத்தம். இது எனது கணிப்பு தானே தவிர ஆதாரபூர்வமான தகவல் இல்லை.

இன்றைய காலத்தில் சித்தர்கள் பரம்பரை என்று சொல்லிக்கொள்வதில் பெருமைக்கொள்ளும் அனைவரும் என் பார்வையில் இவர்கள் மாந்தீரிகவாதியாக இருப்பார்களோ என்று எனக்கு தோன்றும். ஏன் என்றால் சித்தர்கள் செய்த மை வேலையை இவர்கள் செய்துக்கொண்டு இருக்கிறார்கள். 

அஞ்சனம் செய்வது ரசமணி செய்வது இது எல்லாம் இந்த காலத்தில் உள்ள மாந்தீரிகம் செய்பவர்கள் செய்கிறார்கள். இருவருக்கும் உள்ள தொடர்பை பார்த்தால் அவர்கள தான் இவர்களோ அல்லது இவர்கள் தான் அவர்களோ என்று தோன்றுகிறது.

ராகு தசா நடப்பவர்களுக்கு மற்றும் ராகுவின் நட்சத்திரத்தை உடையவர்கள் அனைவரும் இந்த தொழில் மீது ஈடுபாடு அதிகமான வைத்திருக்கிறார்கள். ராகு தசாவில் ஒருவருக்கு இதன் மீது அதிகஈடுபாடு வரும்.

நன்றி நண்பர்களே !

அன்புடன்

ராஜேஷ்சுப்பு.