வணக்கம் நண்பர்களே!
குரு தசாவைப்பற்றி பார்த்து வருகிறோம். லக்கினத்தில் குரு இருந்து தசா நடைபெற்றால் எப்படி பலன் இருக்கும் என்று பார்க்கலாம்.
குரு லக்கினத்தில் நல்ல நிலைமையில் இருக்கவேண்டும்.
உடல் நிலையில் எந்த பிரச்சினையும் வராது. நல்ல உடல்நிலை காணப்படும். அனைவரும் மதிக்கதக்க வகையில் இருப்பார். ஜாதகருக்கு பொன் பொருள் சேர்க்கை ஏற்படுத்திக்கொடுப்பார்.
சுகமான வாகனங்களில் பயணம் செய்ய வைப்பார். உயர்ந்த விலையில் கார்கள் இருக்கின்றது அல்லவா அந்த காரில் பயணம் செய்ய வைப்பார். இரயில்களில் சென்றாலும் உயர்வகுப்பில் பயணம் செய்ய வைப்பார்.
அரசாங்கத்தால் மதிக்கப்படுவார். அரசாங்கத்தின் வழியில் பதக்கம் வரும். ஜாதகர் இருக்கும் ஊரில் உள்ள கோவிலில் திருவிழாக்கள் மற்றும் கோவில்கள் கட்டுதல் அல்லது பொதுவிழாக்களில் தலைமை தாங்கும் வாய்ப்பு வரும்.
உயர்கல்வி படிக்கும் வாய்ப்பு உருவாகும். பொது தேர்வில் வெற்றி பெறும் வாய்ப்பு உருவாகும்.கடினமான தேர்வில் கூட எளிதில் வெல்லமுடியும்.குரு லக்கினத்தில் இருந்து தசா நடைபெறும் பொழுது நல்லதை செய்யும்.
குரு கிரகம் கெடுதலாகி இருந்து தசா நடைபெற்றால் அவமதிப்பு உருவாகும். பெரியோர்களின் கோபத்திற்க்கு ஆளாக நேரிடும். முன்னேற்றம் என்பது மிகவும் கடினம். சாப்பாட்டிற்க்கு கூட கஷ்டப்பட வேண்டிய சூழ்நிலை உருவாகிவிடும்.
லக்கினத்தில் குரு கிரகம் கெட்டு இருப்பதால் அவரின் பார்வையும் பிரச்சினை தான் உருவாகும். லக்கினத்தில் கெடும்பொழுது பூர்வபுண்ணியம் மற்றும் பாக்கியமும் அடிப்பட்டுவிடும். வாழ்க்கை திண்டாட்டமாக அமைந்துவிடும்.லக்கினத்தில் குரு கெட்டு தசா நடைபெறுவது அவ்வளவு நல்லதல்ல. அனைத்தும் பொது பலன் மட்டுமே.
நன்றி நண்பர்களே !
அன்புடன்
ராஜேஷ்சுப்பு.
No comments:
Post a Comment