வணக்கம் நண்பர்களே!
குரு கிரகம் ஐந்தாவது வீட்டில் நின்று குரு தசா நடைபெற்றால் எப்படி பலன் தரும் என்று பார்க்கலாம்.
குரு கிரகம் நல்ல நிலைமையில் இருந்து தசா நடைபெறும்பொழுது வெற்றி மேல் வெற்றியை தரும். ஊரில் சிலபேர்களைப்பார்த்து சொல்லுவோம் அல்லவா எப்படி தான் இப்படி அனைத்திலும் ஜெயிக்கிறான் என்று தெரியவில்லை என்று சொல்லுவார்கள். அந்த வகையில் வெற்றி தருவது இந்த இடத்தில் இருந்து குரு தசா நடைபெறும்பொழுது மட்டுமே.
திருமணம் நடந்து இந்த தசா நடைபெற்றால் உடனேயே குழந்தை பாக்கியம் கிடைத்துவிடும். உங்களின் வாரிசுகள் நலமாக இருப்பார்கள். பொதுவாக இந்த தசாவில் குழந்தைகள் பெற்று எடுத்தால் அவர்கள் மிகவும் லட்சுமிகரமாக இருப்பார்கள்.
அறிவுகூர்மையாக நன்றாக செயல்படும். அறிவால் அனைத்தையும் சாதிக்கும் ஆற்றல் இருக்கும். கடினமான தேர்வில் எளிதில் வெற்றி பெறுவார்கள். நுட்பமான அறிவை குரு வழங்குவார்.
குரு ஐந்தில் இருந்து ஐந்தாவது பார்வையாக ஒன்பதாவது வீட்டை பார்ப்பார். பாக்கியஸ்தானத்தை குரு பார்த்துக்கொண்டு தசா நடைபெறுவது நல்லது. எடுத்த காரியம் எல்லாம் எந்த வித தடங்கலும் இல்லாமல் நடைபெறும். செய்கின்ற வேலையில் தடங்கல் இல்லாமல் செய்தால் அனைத்திலும் வெற்றி பெற்றுவிடலாம் அல்லவா.
குரு ஒன்பதாவது பார்வையாக லக்கினத்தை பார்ப்பார். குரு பார்வை படும் இடம் சுபிட்ஷம். எந்த வேலையை செய்தாலும் உடல் ஒத்துழைத்தால் தானே வெற்றி வரும். உடலை காட்டும் லக்கினத்தை குரு பார்த்துவிட்டால் உடல் நன்றாக இருக்கும். சுறுசுறுப்போடு வேலையை முடித்துவிடுவார்கள்.
குரு கெட்டு தசா நடைபெற்றால் மேலே சொன்ன பலன்களுக்கு எதிராக பலனை கொடுத்துவிடும். அதனை நீங்களே யூகித்துக்கொள்ளுங்கள்.
நன்றி நண்பர்களே !
அன்புடன்
ராஜேஷ்சுப்பு.
No comments:
Post a Comment